Security guard sang isa construction supply, ginaalegar ginkawatan sa Barangay Bolo, Roxas City

ROXAS CITY – Wala matalupangdan sang security guard sa isa ka construction supply nga  ini ang ginsulod sang kawatan takna 1:30 kaina sang kaaganhon sa Barangay Bolo, Roxas City.

Ginkilala ang biktima nga si John Michael Aguason 23-anyos kag residente sang Barangay Gabuan, Roxas City.

Nataban sang wala makilan-an nga kawatan ang isa ka service firearm 9mm pistol kag cellphone nga nakabutang sa shoulder bag sini.

Ginpahayag nga nag-agi ang amu nga kawatan sa entrance kag naguha sa nakabukas nga bintana sa nasambit nga etablisyemento.

Bangud sini, ginpakamaayo na lamang sang biktima nga ipabalhag sa kapulisan ang nasambit nga insidente.