Selena Gomez, ‘engaged’ na sa nobyo nga si Benny Blanco

Malipayon nga ginpakigbahin sang singer nga si Selena Gomez nga engaged na ini sa nobyo nga si Benny Blanco.

Sa social media account sini nagpost ang American actress-singer sang laragway nila nga duha samtang suksok ang isa ka diamond ring.

May caption man ini nga “Forever begins now” sa nasambit nga post.

Sadtong nakaligad nga tuig sang ginbuyagyag sang duha sa publiko ang ila nga relasyon.

Dugang pa sang 32-anyos nga actress nga wala niya ginalauman nga makaangkon ini sang bag-o nga relasyon sa isa ka American producer-songwriter.