Gintawag ni Senador Sherwin Gatchalian nga makaalarma ang ginaalegar involvement sang government security forces sa tobacco smuggling kag ginaduso sini nga imbestigaran ang amo nga impormasyon.
Pinaagi sa pagfile sang Senate Resolution No. 250, ginpahayag ni Gatchalian nga ang mga illegal nga buluhaton kag ang mga involve nga personalidad ang pagapasakaan sang kaso may kaangtanan sa illegal nga pagbaligya sang mga produkto sang sigarilyo.
Sandig sa resolusyon, ang illegal nga pagbaligya sang mga produkto sang sigarilyo ang wala lamang nagadala sang pagkadula sang kita sang gobyerno bangud sang wala mabayran nga buwis, kundi nagahatag man sang peligro sa ikaayong lawas sang publiko.
Nasaad man sa resolusyon nga kinahanglan masolbar sang gobyerno ang bisan ano pa nga kakulangan sa polisa sang administrasyon kag mga pamaagi agud matapna ang padayon nga pagdamo sang illegal nga baligyaanay sang mga produkto labi nagid sa sigarilyo.
