Ginkilala ang Sen. Gerardo M. Roxas Memorial Hospital (SGMRMH) bilang Awardee of Exemplary Best Practices bangud sa maayo nga pagpatuman sang Integrated Hospital Operations and Management Information System (iHOMIS).
Ginpangunahan sang Department of Health (DOH) ang paghatag sang award sa ginpatigayon nga Electronic Medical Records Awards Night 2026 sang Oktubre 22 sa Diversion 21 Hotel, Mandurriao, Iloilo City.
Sa interview sang Bombo Radyo kay Dr. Mark Anthony Basquez, Officer-in-Charge sang Sen. Gerardo M. Roxas Memorial Hospita, iya ginpahayag nga paagi sa iHOMIS, konektado ang nagkalain-lain nga sistema sang ospital, lakip na ang inventory sang mga bulong kag pagmonitor kon pila na lang ang nabilin nga suplay.
Suno kay Basquez, dako nga bulig ang amo nga sistema agud malikawan ang kakulang sang mga bulong sa ospital.
Dugang pa niya, paagi man sa iHOMIS, mas madasig ang pagkuha sang mga rekord sang pasyente kag mas mahapos ang pagmonitor kag pag-trace sang mga impormasyon.
