-- ADVERTISEMENT --
Naka-full alert status na ang Bureau of Fire Protection (BFP) Panay-Capiz, bilang pagpanghanda sa pagsaulog sang Undas 2026.
Sa interview sang Bombo Radyo kay Fire Officer 3 Don Anthony Falcis, Chief of the Public Information Section sang BFP Panay, iya ginpahayag nga ginpatuman na nila ang Oplan Kaluluwa 2026 agud masiguro ang kaluwasan sang publiko sa tion sang Undas.
Suno kay Falcis, nagapatigayon na man sila sang mga fire safety information drive agud mapahanumdom ang publiko sa mga dapat nga himuon agud malikawan ang sunog.
Dugang pa sini, importante nga sundon sang tanan ang mga fire safety reminders agud malikawan ang aksidente kag masiguro ang malinong kag luwas nga pagsaulog sang Undas.
