Ginkasadya ni Sen. Raffy Tulfo ang pagsuspinde sang Land Transportation Office (LTO) sa vehicle registration transfer ukon Administrative Order AO-VDM-2024-046.
Sa nangin pagsinapol sang komite sang public services, ginkuwestyon ni Sen. Tulfo ang bag-o nga guidelines sang Land Transportation Office (LTO) sa idalum sang vehicle registration transfer ukon Administrative Order AO-VDM-2024-046.
Kalakip na diri ang pagkay-o sang mga kakulangan sa proper information dissemination kag ang dako nga penalidad sa mga buyers kag sellers sang second-hand vehicles nga wala nareport ang baligya-anay kag wala nasaylo sa bag-o nga tag-iya ang rehistro sang salakyan sa gintalana deadline, apisar nga natabo ang pagbaligyaanya antes ginpaguha ang nasambit nga AO.
Kadungan sini, gin-obliga nga ang Senador ang LTO nga bag-uhon ang mga polisiya sumugod pa sadto.
Bangud sini, gilayon ini nga ginsunod sang LTO ang mga suhestyon kag mando ni Tulfo kag gilayon nga ginsuspinde ang mga polisiya sa idalum sang mandato.
Samtang magahimo naman ang ahensya sang mga tikang agud maamyendahan ang bag-o nga AO sang LTO.
