Natalana sa palaabuton nga Agosto 6 ang pagtalakay sang senado sa ruling nga ginpaguwa sang Korte Suprema angut sa impeachment batuk kay Vice President Sara Duterte.
Ginpahayag ni Senate President Francis ‘Chiz’ Escudero nga importante nga mag-angkon anay sang oras ang mga senador nga pagatun-an ang ruling.
Dugang pa sini nga nagkasugot ang mga senador sa ginhiwat nga caucus angut sa pagtalakay sang nasambit nga isyu.
Nagapati man ang Senate President nga indi na kinahanglan nga mag-convene ang Senado bilang impeachment court para botohan ang SC ruling.
Nagakadapat nga magsabat ang Senado sa ruling sang Supreme Court agud malikawan ang anuman nga constitutional crisis.
Matandaan nga nagpaguwa ang SC sang ruling nga ang impeachment nga gin-file ang nagalapas sa probisyon sang konstitusyon nga indi mahimo nga mag-file sang masobra sa isa nga impeachment sa sulod sang isa ka tuig.
