Ginhangkat ni Senador Imee Marcos, si President Ferdinand Marcos Jr. nga magpa-hair follicle drug test agud matapos ang mga akusasyon nga siya kag ang First Family nagagamit sang ilegal nga droga.
Nagpagwa sang nasambit nga pahayag ang senadora matapos magpagwa man sang pahayag ang iya hinablos, si House Majority Leader kag Ilocos Norte 1st District Representative Ferdinand Alexander “Sandro” Marcos, nga naga-deny sa alegasyon ni Imee nga nagagamit sila sang ilegal nga droga kag nagsiling nga indi ini “ulubrahon sang isa ka matuod nga utod.”
Suno pa sa senadora,gusto lang ni Sandro nga padakuon ang estorya nga indi siya matuod nga Marcos gani isa lang ang solusyon;ang magpa-DNA test siya kag, sila ang magpa-hair follicle test
Suno naman kay Presidential Communications Office Secretary Dave Gomez ,isa lang ka “rehash” ang panawagan nga magpa-hair follicle test ang Presidente kag indi dapat paghatagan sang pagtamod.
Nahibaluan nga ginpatpat Senadora Marcos sa ginpatigayon nga hublag-protesta sang Iglesia Ni Cristo sa Quirino Grandstand sang Lunes sang gab-i, nga ang iya manghod nga Presidente, ang First Lady, kag pila ka abyan sang Presidente ang nagagamit sang ilegal nga droga.
Ginpanginwala man ni Presidential Communications Office Undersecretary Claire Catro ang amo nga akusasyon kag ginsiling nga desperado lang si Senador Imee Marcos rason nga ginaguba niya ang iya kaugalingon nga utod.
