Nag-file sang hagna ang Senate Minority Leader Tito Sotto III nga nagatinguha nga ipatuman ang kinamatarung sang mga pumuluyo sa impormasyon kag iduso ang bug-os nga pagbuyagyag sang mga transaksyon sang gobyerno nga para sa interes sang publiko.
Ginatawag nga People’s Freedom of Information Act of 2025, ang hagna magatugot sa publiko nga makaangkon sang importante nga impormasyon nahanungod sa mga hilikuton kag transaksyon sang gobyerno. Ginpahayag ni Sotto nga madugay na nga gintalana ang Freedom of Information (FOI) Law.
Apang, ginapaathag sang hagna nga ang sensitibo nga personal nga impormasyon pareho sang rasa, etniko, rekord sang ikaayong lawas, edukasyon, buhis, kag iban pa nga pribado nga datos magapabilin nga kompidensyal.
Lakip sa hagna ang obligasyon sang mga opisyales sang gobyerno nga ipahibalo sa publiko ang ila tuigan nga Statement of Assets, Liabilities, and Net Worth (SALN).
Lakip diri ang Presidente, Bise Presidente, mga katapo sang Gabinete, Kongreso, Korte Suprema, mga Komisyon Konstitusyonal kag iban pa nga mga opisina konstitusyonal, subong man ang mga opisyales sang Armed Forces nga may ranggo nga Heneral ukon Flag Officer.
Nabutang man sa hagna nga ang sin-o man nga opisyal nga magtago, magpanghiwala, magguba, mag-ilis ukon magpasilabot sa impormasyon ang mapreso halin sa isa ka bulan tubtob anum ka bulan, kag multa nga ₱10,000 tubtob ₱100,000.
Suno kay Sotto, sa subong nga moderno nga panahon kun sa diin madali lang makuha ang data online, dapat mahapos man para sa mga pumuluyo ang pag-access sang impormasyon angut sa mga transaksyon, proseso kag aktibidad sang gobyerno.
Ang tanan nga ahensya gikan sa nagkalain-lain nga sanga sang gobyerno kinahanglan man nga mag-upload sa ila tagsa ka mga website—nga may bulanan nga update—mga rekord sang mga transaksyon, mga dokumento kag mga rekord pareho sang tuigan nga badyet, bulanan nga koleksyon kag gasto, mga sumaryo sang kita kag gasto, mga plano kag listahan sang pagbakal, mga ginbakal paagi sa bidding, kag mga kontrata sa pagbakal.
Nabutang man sa hagna nga ang sin-o man nga opisyal nga magtago, magpanghiwala, magguba, mag-ilis ukon magpasilabot sa impormasyon ang mapreso halin sa isa ka bulan tubtob anum ka bulan, kag multa nga ₱10,000 tubtob ₱100,000.
Suno kay Sotto, sa subong nga moderno nga panahon kun sa diin madali lang makuha ang data online, dapat mahapos man para sa mga pumuluyo ang pag-access sang impormasyon angut sa mga transaksyon, proseso kag aktibidad sang gobyerno.
