Temporaryo nga gin-suspend sang Senate Blue Ribbon Committee ang ila imbestigasyon sa ginaalegar maanomaliya nga mga flood control projects.
Suno kay Sen.Panfilo Lacson, wala sang hearing sa masunod nga semana, matapos ginreport nga indi pa handa ang mga dokumento nga ila ginhingyo sa Department of Justice (DOJ) kag sa Manila Regional Trial Court (RTC).
Nahibaluan nga natalana kuntani sa Oktubre 8 ang panel hearing nga orihinal nga gintalana sa hingyo ni Senador JV Ejercito nga ipatawag si anay DPWH Regional Director IV-B Engr. Gerald A. Pacanan.
Dugang pa, may yara sang concurrent hearing para sa budget kag Commission on Appointments (CA) nga magatuga sang conflict sa schedule sang panel.
Bangud sini, ginpahibalo ni Lacson kay Senate President Vicente “Tito” Sotto III ang temporaryo nga pagkanselar sang hearing tubtub may mas nagakaigo nga tion kag kumpleto nga dokumentasyon.
