Ginpasiguro ni Senate President Vicente Sotto III nga wala sang unprogrammed funds kag urgent certification sa ginaduso nga national budget para sa 2026, bilang kabahin sang tikang sang gobyerno para sa mas transparent nga paggamit sang pondo.
Suno kay Sotto, siya kag si Senador Sherwin Gatchalian nga amo ang chairman sang Senate committee on finance ang magaduso sa pagkuha sang unprogrammed funds sa national budget para sa masunod nga tuig.
Tinutuyo sang nasambit nga lihok nga masiguro nga ang tanan nga pundo nga gin-alokar maathag nga nakaprograma kag nagasanto sa aktwal nga kinahanglanon sang ehekutibo.
Gin-athag man sang Senate President nga ang pagkuha sang unprogrammed funds ang makabulig agud matapna ang gulpi nga pagbalhin sang pondo sa tion nga maaprubahan na ang budget.
