Gin-athag ni Senate Secretary Renato Bantug Jr. nga wala sang kaangtanan sa subpoena ang pagbisita ni Atty. Zuleika Lopez, chief of staff ni Vice President Sara Duterte sa Senado.
Sa isa ka press conference, ginpahayag ni Bantug nga gin-istoryahan lamang nila ni Lopez ang mga administrative matters kag house rules sang Senado kag wala ini sang labot sa merito sang impeachment trial.
Suno sa Senate Secretary, pila sa mga pamangkot ni Lopez amo ang kadamuon sang mga bisita nga mahimo pasudlon sa defence camp, mga kagamitan nga mahimo dal-on sa Senado samtang nagapadayon ang trial, kag iban pa nga pagsulundan sa sulod sang institusyon.
Gin-istoryahan man nila ang palaabuton nga seguridad ni Vice President Sara Duterte kon magkadto ini liwat sa Senado agud magtambong sa iya impeachment trial ukon makigkita sa iya mga abogado.
