Hugot nga ginpanginwala ni Senador Bong Go nga personal niya nga kilala sanday Curlee kag Sara Discaya kag ginpanindugan nga wala siya sang kahilabtanan sa anuman nga anomaliya nga proyekto sang gobyerno.
Ini ang pahayag sang senador matapos ginpahayag ni Department of Public Works and Highways (DPWH) Secretary Vince Dizon nga gina-imbestigaran sang iya talatapan kag sang Ombudsman ang posible koneksyon sang mga Discaya sa CLTG Builders—isa ka kompanya nga nakabase sa Davao City nga ginapanag-iyahan sang amay ni Go.
Sa isa ka press conference, gin-angko ni Go nga “ginpuntirya” siya nga may kaangtanan sa imbestigasyon sa ginaalegar nga maanomaliya nga mga flood control projects.
Suno sa iya, wala siya sang dapat kahadlukan bangud suno sa iya, wala siya sang sala nga ginahimo kag nagatindog siya upod sa mga Pinoy sa pagpakigbato sa korapsyon.
Dugang pa sang senador nga daw kaangay nga ginabaliskad ang bug-os nga kamatuoran kag dapat niya pangitaon ang ginatumod sini nga “buaya” kag “mastermind” sa likod sang gina-alegar korapsyon sa mga proyekto sa imprastraktura.
Nagpabutyag man Go nga handa siya nga mangin complainant kag kasuhan ang mga involved sa maanomaliya ukon substandard nga mga proyekto, bisan pa nga himata niya ini.
Pahayag pa niya, wala siya sang labot kon himata lang ang nadalahig, basta manabat ang matuod-tuod nga may salabton.
