Ginpakalain naman ni Senador Imee Marcos ang duha ka adlaw nga work week sang mga tinawo sang Department of Energy (DOE) sa pihak sang ginapangatubang nga energy crisis sang pungsod.
Ginhatagan pagtamod ni Marcos nga ang DOE ang pinakakinahanglanon nga ahensya sa sini nga krisis apang daw kaangay nga nagabakasyon ang mga tinawo sang ahensya bangud duha lang ka adlaw ang ila pagsulod.
Dugang pa niya nga madamo ang nagareklamo nga nagakadto sila sa talatapan sang DOE agud magpirma sang importante nga mga dokumento apang wala sang tawo.
Sa pihak nga bahin, ginpangapinan ni Energy Sec. Sharon Garin ang ahensya, nga nagasiling nga bisan pa nga yara ini sa 2 ka adlaw nga onsite work week, wala sila nagauntat sa pagtrabaho.
Suno sa iya, nangin mas aktibo man subong ang mga tinawo sang DOE sa pihak sang hybrid set-up, kag ginatuman nila ang ila mga katungdanan.
