Samtang, Para naman kay Senator Raffy Tulfo “hao-shao” ukon indi mapatihan ang video presentation ni Sen. Imee Marcos may kaangtanan sa ginaalegar charter change attempt nga palawigon ang termino ni President Ferdinand Marcos Jr.
Suno kay Raffy Tulfo, kun may expose nga ipaguwa sa plenaryo, dapat may upod ini nga solid nga ebidensya kag indi base sa espekulasyon, opinyon, ukon unverified nga impormasyon.
Dugang pa sini nga ginhatagan pagtamod nga indi dapat himuon nga plataporma ang Senado sa mga alegasyon nga wala sang bastante nga basehan bangud makahalit ini sa kredibilidad sang institusyon.
Ginpahayag man sini nga suportado niya ang mosyon ni Senator Juan Miguel Zubiri nga kakason ang nasambit nga video presentation sa opisyal nga record sang Senado.
