Nag-walk out si Sen.Rodante Marcoleta sa hearing sang Senado nga ginhiwat kahapon nga adlaw, samtang ginadiskusyunan ang epekto sang Middle East conflict sa oil prices.
Ginkwestyon sang senador kun paano hinali nga nagsarurot ang presyo sang langis bisan pa nga ginpahayag nga imbentaryo lamang sang oil companies ang ginabaligya sa subong.
Indi man kumbinsido si Senate PROTECT (Proactive Response and Oversight for Timely and Effective Crisis Strategy) Committee Chair Sherwin Gatchalian sa depensa nga ang oil companies dapat magbayad sang replacement cost, bangud gingamit nila ang daan nga mga presyo sang krudo.
Samtang, nagpanawagan naman ang transport strike group nga Manibela sang refund sa mga kumpaniya sang langis.
Ginhatagan punto sang grupo nga daw kaangay nga may yara sang overpricing sa pagbaligya sang produktong petrolyo.
