Ginpatigayon ang send-off ceremony sang mga katapo sang Capiz Provincial Police Office (CPPO) kahapon nga adlaw sang Lunes, Marso 31, 2025, sa Camp April, Brgy. Lanot, Roxas City.
Suno kay PCPT. Merry Chris Dela Cruz, Public Information Officer sang Capiz Police Provincial Office, ginpahayag nga ang katuyuan sang amo nga kahiwatan, agud nga mapabilin nga malinong kag matawhay ang palibot kadungan sa pagsug-alaw sang Capiztahan 2025.
Dugang pa sini, nga may yara sang kabug-usan nga 590 PNP personnel ang magabulig sa pagbantay kag pagpabalin nga kalinung samtang ginaselebrar ang Capiztahan sa Probinsya, kag kaupod naman diri ang mga katapo sang Philippine Coast Guard Capiz, Bureau of fire Protection —Capiz, Emergency Responders kag iban pa nga mga Security Services.
Mahibaluan nga magasugod na bwas nga adlaw, Abril 1, ang Capiztahan tubtob 6, kag 15 sa sini nga tuig.
Samtang, panugyan naman sini sa publiko nga mangin cooperative sa tion sang checkpoint kag ipabilin ang tagsa-tagsa sa maayos nga kondisyon agud nga malikawan ang ano man nga insidente ang posible nga magluntad.
