Senior Citizen, boluntaryo nga nagsurender sang isa ka armas luthang sa kapulisan sa banwa sang Panay

ROXAS CITY – Boluntaryo nga ginsurender sang isa ka senior citizen, ang isa ka unit sang armas luthang sa Panay Municipal Police Station kahapon Agosto 2.

Ang nasambit nga armas luthang isa ka Pistol Llama .45 kag isa ka unit sang Glock 40 nga lunsay wala sang bala.

Ini ang kadungan sa padayon nga kampanya sang Panay MPS sa Oplan Katok kag Tokhang Kontra Ginadilian nga Pusil.

Sa karun yara na sa paghinakop sang Firearms Explosives Security Agencies and Guard Supervision (FESAGS) sang panay ang nasambit nga armas luthang para sa nagakaigo nga disposisyon.