-- ADVERTISEMENT --
ROXAS CITY – Patay ang 66 anyos nga lalaki matapos ginaalegar naghikog-sa Barangay Baybay, San Antonio Village, Roxas City.
Ginkilala ang biktima kay Rogelio Lavalle sang Barangay Manibad, banwa sang Mambusao apang temporaryo nga nagapuyo sa nasambit nga lugar.
Nahibaluan nga nakit-an na lamang sang iya tiya ang biktima nga nagabitay gamit ang electrical wire kag wala na sang kabuhi.
Gindala pa ini sa ospital, apang gidneklara nga dead in arrival.
Padayon sa karon ang imbestigasyon sang kapulisan agud matul-id ang motibo sang biktima sa pag-utas sa iya kaugalingon nga kabuhi.
-- ADVERTISEMENT --
