Senior citizen nasapwan nga patay sa suba

Roxas City – Patay na sang nasapwan nga nagapautaw-utaw sa suba ang 69-anyos nga lalake sa Barangay Bacagay, Panay, Capiz.

Ginkilala ang biktima kay Ramon Blasurca sang nasambit nga lugar.

Mismo ang anak sang biktima ang nakakita sa bangkay sang amay nga nagalutaw sa suba.

Nahibaluan nga antes ang insedente naglisensiya sa iya pamilya si Blasurca nga magapangisda.