ROXAS CITY – Malayo na ang gin-anodan sang senior citizen sang nasapwan sang isa ka residente nga nagalutaw-lutaw sa Sitio Anhawon, Barangay New Guia, Maayon kaina alas 9:00 sa aga.
Sa interview sang Bombo Radyo kay Senior Fire Officer 4 Junar Diestro, Municipal Fire Marshal sang Maayon, ginsiling sini nga humalin sa Barangay Tuburan, nag-agi pa sa Palaguian, Old Guia, Jebaca antes nasapwan ini sa kasubaan sang Barangay New Guia.
Natigayon nga marekober ang bangkay ni Pama pinaagi sa pagbululigay sang BFP-Maayon, PDRRMO, Coast Guard, Maayon kag MDRRMO sang Maayon.
Matandaan nga nagaguwa sa imbestigasyon sang kapulisan, padulong kun tani sa balay sang iya bata si Ludovico Magallanes Pama sang ini ang gina-alegar nadanlog kag gin-anud sang makusog nga current sang tubig.
Sa karon, ang bangkay ni Pama ang yara na sa punerarya.
