Senior citizen patay sa sunog sa Capiz

ROXAS CITY – Patay ang isa ka senior citizen matapos gintupok sang kalayo ang isa ka balay sa Barangay Duyoc, Dao, Capiz.

Ginkilala ang biktima kay Maria Ely Gallardo, 79-anyos, nga tag-iya sang nasambit nga balay nga human sa light materials.

Mahibaluan nga totally-burned ang nasambit nga balay kun sa diin ginapatihan nga naggikan sa kusina ang kalayo nga madasig nga naglapta sa bilog nga balay.

Ba-se sa inisyal nga imbestigasyon sang Bureau of Fire Protection, nagalab-ot sa P100, 000 ang ginbilin nga danyos sang nasambit nga sunog.

Mahibaluan nga nagaisahanon na lamang ang biktima sa nasambit nga balay kag nagakatulog ini sang nasunog ang balay rason nga nabudlayan ini nga makaguha.