Pilason ang isa ka senior citizen matapos ang nagluntad nga aksidente sa Barangay Balijuagan, Roxas City.
Ginkilala ang biktima kay alyas “Jason”, 62-anyos kag residente sang nasambit nga lugar samtang, ginkilala naman ang driver suspect kay alyas “Ron”,43-anyos kag residente sang Brgy. Duran, Dumalag Capiz.
Sandig sa impormasyon nga nakuha sang Bombo Radyo nagikan sa Roxas City PNP, ginapahayag nga matabok kuntani ang biktima sa nasambit nga dalan apang may isa ka TMX nga motorsiklo nga ginasubay ang amu nga dalan pakadto naman kuntani sa Ivisan proper sang aksidente sini nga “na-sideswiped” ang amu nga senior citizen nga matabok sa pihak nga porsyon sang karsada.
Bangud sini, nag-angkon sang gasgas sa lawas ang biktima kag gilayon naman nga gindapatan sang nagakaigo nga pagbulong sang mga katapo sang RCERT.
Sa karon, yara na sa istabli nga kondisyon ang nasambit nga biktima. Samtang, nagapadayon naman ang pagpabulong sini sa mga naangkon nga kapilasan.
