ROXAS CITY – Wala na sang kabuhi sang masapwan ang isa ka senior citizen sa Barangay Bungsuan Dumarao Capiz takna alas 7:00 sang gab-i sang damlag lang.
Ginkilala ang biktima kay Evangelyn Candelario residente sang nasambit nga lugar.
Sa impormasyon nagikan sa Dumarao Municipal Police Station, ginpahayag sini nga ginkatingala ni Alexander Diel 55-anyos nga wala sa gihapon nagabugtaw ang biktima rason nga ginpukaw niya ini.
Apang natalupangdan na lamang ni Diel nga wala ini nagahulag kag sa iya pagtsekyar, malamig na lawas sini kag may tubig nga nagaguha sa baba sang biktima.
Bangud sini, gilayon nga ginreport ni Diel sa ila barangay ang insidente kag gilayon man ini nga ginrespondehan sang Dumarao Emergency Response Team (DERT) agud respondihan kag ginpadangat sa Dao District Hospital para kun tani sa pagbulong apang gindeklarar ini nga dead on arrival sang doktor.
Mahibaluan nga posible gin-atake ang biktima sang iya ginasupreher nga balatian nga high-blood.
Sa karun natalana nga ipaidalum sa post mortem examination ang bangkay sang biktima.
