ROXAS CITY – Nagpalab-ot sang protesta pinaagi sa sulat ang senior employee sang Provincial Planning Development Office sang provincial government angut sa pag-appoint kay Wilmar Delos Santos, bilang PPDO Coordinator.
Sandig sa sulat nga ginpadala ni Salim Biclar, Planning Development Officer IV, sa opisina sang Sangguniang Panlalawigan kag sa Civil Service Commission (CSC), ginpahayag sini nga siya ang pinakamadugay sa serbisyo nga may 34 na ka tuig kag 26-ka tuig bilang PDO IV.
Dugang pa sini nga siya ang most senior kag next-in-rank sa posisyon sang PPDC kag nagapati nga ginaangkon sini ang tanan nga kwalipikasyon kag wala sang makita nga diskwalipikasyon para sa amu nga posisyon.
Sa kapareho nga sulat nga ginpadala ni Biclar sa regional director sang CSC nga si Dir. Nelson Sarmiento, ginsiling sini nga ang pag-appoint sang gobernador kay Delos Santos ang isa ka pagpakita sang ‘discretion amounting to lack or excess of jurisdiction.’
Nagalaum ini nga mahatagan sang hustisya kag mangin patas ang paghatag sang posisyon sa gobyerno.
