Ginalauman nga maga-atubang sa hearing sang Seando sa adlaw sang Martes, Agosto 27 ang naaresto nga nanday Sheila Guo, utod sang ginsipa nga si ex-Bamban Mayor Alice Guo kag Cassandra Ong, nagpamalakad sang Lucky South 99 POGO HUB nga ginsalakay sang mga awtoridad sa Porac, Pampanga kag Corporate Secretary sang Whirlwind Corporation.
Sa isa ka statement, ginpahayag ni Senate Spokesperson Arnel Jose Bañas nga ginsiguro sang National Bureau of Investigation ang pagtambong nanday Guo kag Ong sa imbestigasyon.
Ang NBI man amo ang magadala sa 2 padulong kag paghalin sa Senado.
Ginturnover man suno nanday Guo kag Ong sa Senado pagkatapos sang inquest proceedings.
Pagapangunahan naman sang Senate Committee on Justice and Human Rights ang nasambit nga hearing kaupod ang Committee on Women, Children, Family Relations and Gender Equality kag ang Senate Committee on public services bilang tertiary committees.
Hatagan naman sang kahigayunan nanday Guo kag Ong nga magpresenta sang ila statement kag magbulig sa mga nagapadayon nga paghinun-anon kag imbestigasyon.
Samtang, suno naman kay NBI Dir. Jaime Santiago, pa-atubangon nila ang duha sa Senado.
