ROXAS CITY – Wala paman makahibalo ang isa ka side walk vendor sa Burgos Talipapa kun ano nga bulan sila igabalhin sa Teodoro Arcenas Trade Center (TATC).
Suno kay “Gloria” dalaga pa lang ini sang nagsugod na sa pagbaligya sa amu nga talipapa kag kun igabalhin gid man sila sa TATC, dako suno ini nga kadulaan sa ila palangabuhianan, rason nga nagapanawagan ini kay Mayor Ronnie Dadivas nga kun mahimo lang nga pasugtan sila sa pagbaligya sa talipapa.
Apang kun indi na mapunggan ang plano sang city government sa ila mga mga side walk vendor sa Burgos, wala man ini sang mahimo.
Matandaan nga ginpahayag sang pila ka mga vendor sang nagligad nga mga binulan nga tubtob lamang sila subong nga Hunyo sa amu nga merkado bangud ginapahayag nga pagatukuran sang nagapanag-iya sang amu nga duta sang proyekto ang amu nga lugar.
