SIGMA, CAPIZ- Preparado na ang Local Government Unit sang Sigma, Capiz para manug-abot nga Bagyo Verbena.
Sa interview sang Bombo Radyo kay Mayor Dante Rizal Eslabon sang Sigma, iya ginpahayag nga nagpatigayon na ang ila nga talatapan sang paghinun-anon kaupod ang 21 tanan ka mga Punong Barangay, mga katapo sang Municipal Disaster Risk Reduction and Management Office kag iban pa nga mga ahensya.
Suno kay Eslabon, sa nasambit nga pagsinapol, gin-istoryahan ang mga preparasyon kag kinahanglan himuon sang tagsa sa tion nga yara na sang nasambit nga bagyo.
Pahayag nya, naka-prepositioned na ang mga pagkabutang sa para sa rescue operations sa mga magapangayo sang bulig kaangay sang rescue boats nga ginpahamtang partikular sa Barangay Mianay kag Manggoso sa diin amo ang tuman ka mabinahon nga Barangay subong man ang mga evacuation centers.
Nahibaluan nga sandig sa pinakaulihi nga datos, 19 ka mga kabarangayan na sa 21 tanan ang ginabaha.
Gindeklara naman sang ila nga talatapan ang kanselasyon sang klase bwas nga adlaw Nobyembre 25 sa tanan nga lebel, lunsay pribado kag pampubliko nga buluthuan.
Temporaryo man nga siraduhan bwas nga adlaw, takna las 8:00 sa aga tubtob las 5:00 sang hapon ang National Road (Iloilo-Capiz Road) sa Sitio Ibian, Barangay Mianay bangud sa pagahiwaton nga pag-repair kag replacement sang drainage. Ginapanugyanan ang mga motorista nga mag-agi anay sa alternate route.
Nagapanawagan naman ang natungdan sa mga pumuluyo sang kooperasyon, bangud nga suno sa iya, may ara gid kaso nga indi man masarangan nga sudlon sang mga responders ang isa ka area rason nga samtang timprano pa, mag-evacute na gilayon.
Interviewed by Bombo Francis Biñas
