Nagpa-athag si Sigma Mayor Dante Rizal Eslabon nahanungod sa pagkaayo sang tulay sa banwa sang Sigma.
Sa interview sang Bombo Radyo kay Mayor Eslabon, iya ginpahayag nga ang nasambit nga tulay ang naga-angot sang Poblacion Sur kag Poblacion Norte sang amo nga banwa.
Suno kay Eslabon,nakighinun-anon ini sa talatapan sang second district engineer sang Department of Public Works and Highways (DPWH) agud istoryahan ang pagpatigayon sang asphalt overlay sa nasambit nga lugar.
Apang sa mabaskog nag pagbubo sang ulan, nakakas ang asphalt overlay kag nagtuga sang lubak sa amo nga tulay.
Bangud wala sang kontrol ang munisipyo sa contractor, nagpadala sila sang sulat sa talatapan sang engineering office agud nga matutukan ang gilayon nga asphalt overlay kag road widening.
Pahayag pa niya, nag-commit man ang amo nga opisina nga by the end of January, matigayon na ang amo nga plano.
Nagpasalig man ang natungdan sa tanan nga pumuluyo nga wala gid nagapabaya ang ila nga talatapan sa pagdihon sang solusyon agud maresolba ang problema sa nasambit nga tulay.
