Ginpakigbahin sang isa ka pari ang importansya sang pagpamalandong subong nga Solemnity sang Christ the King.
Sa interview sang Bombo Radyo kay Fr. Gybbyn Gumban, Director sang St. Joseph Senior High School, iya gin pahayag nga ang Solemnity sang Christ the King ang tanda sang pagtakop sang liturgical year, kag nagapahanumdom nga si Kristo ang Alpha kag Omega, ang Hari sang kabuhi nga nagatudlo sang paghigugma, pagpatawad kag kaluoy.
Suno kay Fr. Gumban, ang pagkilala kay Kristo indi lang dapat magpabilin sa sulod sang simbahan kundi madala sa kada adlaw nga pagpangabuhi, halin pagbugtaw tubtob magtulog, sudlan ang tagipusoon sang Santos nga Kaluwasan.
Pahayag pa niya, ang pagtuo indi lang matapos sa debosyon, pangamuyo, ukon pagsimba kinahanglan, suno sa iya, may nawong ini sang paghigugma, pagpatawad, kag paghiliusa ; ang kaakig dapat ilisan sang pag-intindi kag pagpalangga, kag ang pagpangabuhi dapat masandig sa pagtuo.
Dugang pa sang natungdan, ang selebrasyon sang Christ the King isa ka kahigayunan nga mangin instrumento sang pagpamalandong kag pagbag-o, kag pagbaton sang pagtudlo ni Kristo nga amo ang matuod nga Hari sang kabuhi.
