Natalana nga magbisita sa pungsod si Singapore Prime Minister Lawrence Wong sa June 4-5, 2025.
Ang State visit ni Wong ang base sa imbitasyon ni Pangulong Ferdinand Marcos Jr.
Ang Pilipinas ang una nga bilateral visit ni Wong matapos ang iya re-appointment sang Mayo.
Ini man ang magaserbe nga introductory visit ni wong sa Pilipinas. .
Ginalauman nga magapatigayon sang bilateral meeting sanday Presidente Marcos kag Prime Minister Wong sa Hunyo 4 may kaangtanan sa ikaayong lawas, climate change mitigation kag magabayluhanay sang panan-awan ang duha ka mga lider sa mga isyu sa pulitika kag ekonomiya sa rehiyon.
Ang Singapore amo ang ika-walo nga pinakadaku nga trading partner sang Pilipinas sang 2024 kag sa karon ginapuy-an sang ginabanta 220,000 ka mga Pilipino.
Sang 2017, amo ang ulihi nga pagbisita sang Prime Minister sang Singapore sa Pilipinas.
