Nagapabilin nga stable kag mapag-on ang sistema sang pinansyal sang Pilipinas sa pihak sang mga pagpanghangkat sa geopolitical kag mga pagbag-o sa mga polisiya suno sa Financial Stability Coordination Council (FSCC).
Ginhimo ang nasambit nga pahayag matapos magpaguwa ang inter-agency sang ila nga report para sa 2024 Financial Stability Report (FSR) sang damlag lang.
Ang Financial Stability Coordination Council ang isa ka inter-agency council nga ginakabug-usan sang Bangko Sentral ng Pilipinas (BSP), Department of Finance (DOF), Insurance Commission (IC), Philippine Deposit Insurance Corporation (PDIC), kag Securities and Exchange Commission (SEC).
Suno pa sa Financial Stability Coordination Council, ang naeksperyensyahan nga mapag-on nga sistema sang pinansyal sa pungsod ang bangud sa padayon nga pagnubo sang inflation, mapag-on nga pagsanyog sang ekonomiya, kag mabakod nga international reserves sang pungsod.
Ginsambit man sang council nga ang mga lokal nga bangko ang may mataas nga capital buffers kag bastante nga liquidity nga magahatag sang ikasarang sa financial system nga magbaton sang mga potensyal nga pagkapiyerde kag magsuporta sa ekonomiya.
Ginpunto man sa report nga wala sang mga palatandaan sang dalagkuan nga kinalain sa presyo sang mga propiedad sa financial markets, kag may mapag-on nga partisipasyon ang pungsod gikan sa mga domestic investor.
