Pabor sa paghatag sang Civil Service Eligibility para sa mga Sangguniang Kabataan Officials ang Sangguniang Kabataan Chairman sang Barangay Baybay, Roxas City apang kinahanglan nga may yara sang assessment ilabi na sa mga naga-erofrm kag sensiro sa pagserbisyo.
Sa interview sang Bombo Radyo kay SK Chairman Angelo Artates Besorio, iya ginpahayag nga daku nga butang ang eligibility para sa mga opisyal agud makatrabaho sa gobyerno.
Apang suno kay Besorio, may yara kuntani sang maid-id nga pagpili sa mga SK officials agud masiguro nga ang mahatagan sang Civil Service eligibility ang matuod nga nagapangalagad sa barangay kag may mga programa ukon proyekto sa mga pamatan-on.
Pahayag pa niya, ang mga masunod nga magapadalagan sa Sangguniang Kabataan ang dapat nga handa sa pagserbisyo sa publiko kag indi lang eligibility ang lagas.
