DUMALAG, CAPIZ- Ginpa-bombo ang Sangguniang Kabataan Chairman sang Barangay San Agustin, banwa sang Dumalag, Capiz.
Sa interview sang Bombo Radyo kay alyas Toto, iya ginpahayag nga umpisa nga nagpangalagad si Ervyn Famucol Valencia ang nasambit nga SK Chairman sang amo nga lugar, wala ini suno sang isa ka proyekto nga hinimuan.
Dugang pa sini, sa duwa ka tuig na nga pagpungko sang amo nga SK Chairman, wala pa ini nakapatigayon sang maskin ika-isa lang ka bes nga pa-liga para sa ila nga mga kabataan.
Nahibaluan nga ang Barangay Agustin sa banwa sang Dumalag ang ginakalakipan sang tatlo ka mga sitio.
Pamangkot sa karon ni alyas Toto, sa diin nagkadto ang pondo para sa mga aktibidad kag proyekto para sa mga kabataan.
Samtang, bukas naman ang istasyon sang Bombo Radyo Roxas para sa pagpaathag sang ginareklamo nga SK Chairman.
With a report from Bombo Jessa Mae De Los Santos
