Dakop ang isa ka street level individual sa ginkasa nga buy-bust operation sang kapulisan sa Brgy. Timpas, Panitan Capiz.
Ang subject person amo si alyas Lito, 59-anyos,reisdente sang nasambit nga lugar kag kabahin sang priority target list sang kapulisan .
Sa interview sang Bombo Radyo kay Police Captain Ronald Ton-ogan, Officer in Charge sang Panitan Municipal Police Station, iya ginpahayag nga ginpatigayon ang nasambit nga operasyon sa presensya sang mga barangay officials kag mandatory witnesses suno sa ginapatuman sang layi, agud masiguro ang legalidad kag transparency.
Nakuha sa paghinakop sang subject person ang isa ka fully grown nga ginapatihan marijuana plant kag duha ka heat-sealed sachets sang marijuana.
Sa subong, yara na sa kustodiya sang Panitan Municipal Police Station ang subject person nga magapangatubang ang kaso nga paglapas sa Republic Act 9165 ukon Comprehensive Dangerous Drugs Act of 2002.
