ROXAS CITY – Nakuha na ang mga dalagkuan nga mga bato kag lapok matapos ang nagluntad nga soil erosion sa Barangay Sta. Rita, Dumalag, Capiz.
Ini ang ginkompirma ni Dumalag MDRRMO head Joevil Dacutan sang mainterview sang Bombo Radyo.
Suno kay Dacuta nga wala naman sang may napagkit nga casualty matapos nga nagdul-an ang duta sa nasambit nga barangay.
Ginpahayag sini nga resulta ini sang wala untat nga pagbubo sang ulan sa probinsya.
Gilayon naman nga nagpatigayon sang clearing operation ang MDRRMO kag Dumalag Response Team kag mga opisyales sang barangay sa mga nagdul-ay nga bato ukon duta nga nagahatag sang kakugmat sa mga umalagi kag sa pila ka mga residente.
Matandaan sang damlag lang nagluntad man ang soil erosion sa pila ka mga barangay sa nasambit nga banwa.
