Ginpahayag sang Korte Suprema nga posible malagbong ukon indi malakip sa ‘shortlist’ sang Judicial and Bar Council ang mga aplikante nga napaslawan nga makasumite sang Ombudsman clearance.
Suno sa Spokesperson sang Korte Suprema nga si Atty. Camille Sue Mae Ting, mahimo nga indi malakip sa mga nominado sanday Department of Justice Secretary Jesus Crispin Remulla kag Philippine Charity Sweepstakes Office Chairperson Felix Reyes. Bangud nga wala ini nakasumite sang clearance nagikan sa Ombudsman sa ila nga aplikasyon para sa nasambit nga posisyon.
Apang sa pihak sini, nag-atubang sa gihapon ang mga ini sa ginpatigayon nga public interview sang Judicial and Bar Council sa Korte Suprema.
Paathag ni Atty. Camille Sue Mae Ting, bangud nga ginhatagan lang ang mga aplikante sang tubtob sa adlaw sang pinal nga deliberasyon agud masumite ang ginakinahanglan nga ‘clearance’.
“On the day of the deliberation for the shortlist dapat may Ombudsman clearance na yung applicants,” pahayag ni Atty. Camille Sue Mae Ting.
Apisar nga wala sini mamensyunar ang insakto nga petsa, ginpakigbahin sini nga lauman nga ini ang patigayunon sa masunod nga semana.
