Nagtaliwan na ang South Korean actress nga si Kang Seo Ha sa edad nga 31.
Suno sa report sang Soompi sang Lunes, nakumpirmar nga cancer ang gintunaan sang iya kamatayon.
Sa isa ka post sa Instagram, ang isa ka himata ni Seo Ha nagpaambit sang isa ka video compilation sang mga litrato sang aktres, upod ang isa ka emosyonal nga sulat bilang paghatag sang pasidungog sa iya handumanan.
Suno kay Soompi, ang memorial altar ni Seo Ha nahamtang sa Seoul St. Mary’s Hospital, kag ang lubong natalana sa alas 7:40 sang aga sa Hulyo 16, sa Haman, Gyeongnam Province.
Si Kang Seo Ha kilala sa mga palagwaon pareho sang “Schoolgirl Detectives,” “Assembly,” “First Love Again,”” Through the Waves,” “The Flower in Prison,” kag ”Heart Surgeons.”
Antes siya nagtaliwan, natapos niya ang pelikula nga “Mangnaein,” nga ginakabig nga iya katapusan nga proyekto.
