TAPAZ, CAPIZ – Nagpabutyag sang kasubo kag nagapalab-ot sang pagpakig-unong si Major General Michael Samson, Commander sang 3rd Infantry (Spearhead) Division (3ID) , sa pamilya ni Sergeant Jhon Ray Coopera, ang soldado nga napatay sa engkwentro sa tunga sang katapo sang military kag rebelde nga grupo.
Si Sergeant Coopera ang nagikan sa 12th Infantry Battalion (12IB).
Siya ang napatay kasunod sang duha ka asud-asud nga engkwentro nga nagluntad sa Barangay Agpalali, Tapaz sa diin indi magnubo sa 10 ka mga remnants sang dismantled nga Central Front and Regional Sentro de Grabidad, Komiteng Rehiyon–Panay (KR-P) ang naatubang sang military.
Una natabo ang engkwentro sang Agosto 22 sa Barangays Agpalali, Artuz, kag Tabon sa Tapaz kag sang Agosto 25 liwat nga naatubang sang military ang amo nga grupo sa Barangay Agpalali.
“We grieve the loss of Sergeant Coopera, a valiant warrior who sacrificed his life to bring peace to the people of Tapaz. His sacrifice will never be forgotten. We honor his memory and offer our deepest condolences to his bereaved family,” suno kay MGen. Samson.
