Soldado patay matapos luthangon sang barangay kagawad nga pakaisa

ROXAS CITY – Patay ang miyembro sang Philippine Army matapos ginluthang sang pakaisa nga kagawad sang Barangay Garangan, Calinog, Iloilo.

Dead on arrival sang mag-abot sa ospital si staff sergeant Rustom Caballero, na-assign sa 61st Infantry Battalion sang Philippine Army.

Hubog kag nagapalupok sang armas sa basketball court ang suspek nga si Geraldo Caballero rason nga ginpalapitan sang biktima para pakalmahon.

Apang sa baylo nga sundon ang pakaisa nga biktima, hinali lamang ini nga ginluthang sang suspek nga gilayon nagpalagyo matapos ang krimen.

Padayun sa karon ang imbestigasyon sang pulisya sa insedente.