ROXAS CITY – Padayon nga ginabulong sa ospital ang solterito nga aksidente nga naigo sang airgun ukon eskupita sa Barangay Yating, Pontevedra, Capiz.
Pilas sa balat-ang ang naangkon sang menor de edad matapos aksidente nga napitik ni alyas Dodoy ang airgun nga gintuntong sa lamesa at wala ginalauman nga naigo ang kasubong menor de edad nga si alyas Nonoy.
Nahibaluan nga nagpauli sa ila balay si Marlon, amay ni alyas Nonoy kag ginbilin sa lamesa ang airgun.
Lipod sa iya ihibalo nga na-curious ang mga solterito kag gin-uyatan ni alyas Dodoy ang riple sa diin wala sini ginalauman nga mapitik kag maigo si alyas Nonoy
Gilayon nga gindala sa Bailan District hospital ang biktima para mabulong ang mga pilas sini samtang ginturn over naman sang mga pulis si alyas Dodoy sa Dodoy sa Municipal Social Welfare and Development Office, bangud isa ini ka menor de edad.
