South Korea, nagtan-ay sang humanitarian aid sa North Korea

Nagtan-ay ang South Korea sang humanitarian aid sa North Korea matapos maka-eksperyensya sang lapnagon nga pagbaha sa nasambit nga pungsod.

Suno sa South Korea Unification Ministry, nakahanda sila nga maghatag sang mga supplies agud masabat ang problema nga ginapangatubang sang North Korea.

Ginhinyo naman sang South Korea ang Red Cross nga magsabat sa ginatan-ay sini agud matumod kun anu nga mga bulig ang mahimo nila nga ipadala.

Base sa pinaka-ulihi nga report sang North Korea, naglab-ot sa 4,100 nga mga puluy-an ang ginlubog sang baha.

Mahibaluan nga lubog man sa baha ang halos tatlo ka libo nga ektarya sang mga uma sa nasambit nga lugar.