South Korean Acting President Han Duck-Soo, gin-impeach sang parliament subong nga Biyernes

Nagbuto sang pabor ang mayorya sang parliament sang South Korea para sa impeachment ni Acting President Han Duck-Soo subong nga adlaw sang Biyernes, Disyembre 27.

Ini ang 2 ka semana matapos i-impeach sang South Korean lawmakers si President Yoon Suk-yeol matapos napaslawan nga deklarasyon sini nga martial law sadtong Disyembre 3.

Yara sa kabug-usan nga 192 mamalidha ang nagbuto sang pabor para sa impeachment ni Han nga masubra pa sa 151 votes ang kinahanglan para ini ang maipasa.

Matandaan, ginfile sang main opposition nga Democratic party ang impeachment motion sining  Huwebes matapos balibaran ni Han nga kumpletuhon ang 3  ka bakante nga pulungkuan sa Constitutional Court nga amo ang magdesisyon sa impeachment trial ni Pres. Yoon.