Ginbawi na ni South Korean President Yoon Suk Yeol ang pagpatuman sini sang Martial law.
Ang nasambit nga pagbawi ang kasunod sang pagpasa sang mosyon sang South Korean parliament sa ginhiwat nga National Assembly nga nagahinyo sang pagkakas sang nasambit nga Martial Law.
Pahayag ni Yoon nga magasabat ini sa nasambit nga desisyon sang mga mamalidha rason nga gilayon sini nga ginmanduan ang mga military nga magbalik na sa ila kampo.
Makakas lamang ang Martial Law pinaagi sang pagpulong sang State Council ukon gabinete.
Subong nga aga pa lamang, ginhiwat ang pag-convene sang State Council kag kinahanglan sang quorum para sa pag-apruba sang nasambit nga resolution.
Nanawagan man ini sa National Assembly nga ungkaton na nila ang wala sang pulos nga tikang kasubong sang makapila na ka liwat nga panawagan sang impeachment, legislative manipulations kag budget manipulation nga magasamad sa mga hulag sang estado.
