Sa pihak sang pagguwa sang bagyo Crising sa Philippine Area of Responsibility, padayon nga magadala sang pag-ulan ang Southwest Monsoon sa pila ka bahin sang pungsod.
Padayon nga nagapalayo ang Bagyo Crising sa teritoryo sang pungsod sa diin ulihi ini nga nakit-an sa kalayuon nga 345 km West sang Itbayat, Batanes sa guwa sang PAR.
Lauman ang Monsoon nga pag-ulan sa pila ka bahin sang Zambales, Bataan, kag Occidental Mindoro bangud sa epekto sang habagat.
Ang amo man nga weather system ang magaluntad man diri sa Metro Manila, Ilocos Region, Abra, Benguet, nabilin nga bahin sang Central Luzon, CALABARZON, MIMAROPA, Bicol Region, Western Visayas, kag Negros Occidental nga magatuga sang panalagsa nga pag-ulan.
Magal-umon nga panahon nga may lapta-lapta nga pag-ulan kag pagpanaguob ang magapangibabaw sa nabilin nga bahin sang Luzon, Visayas, Zamboanga Peninsula, Northern Mindanao, Caraga, Lanao del Sur, kag Mindanao.
Wala naman sang bag-o nga grabe nga kahimtangan sang panahon ang nagakatabo sa sulod ukon sa guwa sang PAR.
