SRP sang mga noche buena products sa tunga-tunga pa sang Nobyembre ipaguwa – DTI

Sa tunga-tunga pa sang bulan sang Nobyembre ipaguwa sang Department of Trade and Industry (DTI) ang suggested retail price (SRP) sang mga noche buena products.

Ginpahayag ni DTI Fair Trade Group supervising head Assistant Secretary Agaton Uvero nga may kabug-usan nga 237 sang mga produkto ang sakop sang nasambit nga price guide.

Paglklaro man sini nga indi ang ila nga opisina ang nagabutang sang mga SRP sang nasambit nga mga produkto.

Sa inisyal nila nga pagbantay, halos tunga sang nasambit nga mga produkto ang wala nagtaas sang ila nga presyo.

Matandaan nga sadtong nakaligad nga tuig may yara sang 152 sa 240 nga mga noche buena products ang nagtaas sang ila nga presyo.