-- ADVERTISEMENT --
ROXAS CITY – Ginhilway na sang mga pulis sa banwa sang Maayon, Capiz ang suspek nga ginaalegar naghimulos sa napulo ka tuig nga stepdaughter sa Barangay Manayupit, Maayon, Capiz.
Nagaguwa sa report nga wala nasunod ang pila ka proseso sa pag-aresto sa suspek nga si Oliver Solis Jr.
Nagguwa man sa medical examination nga old healed laceration ang nakita sa kinatawo sang biktima, apang sa alegasyon ni alyas Nene nga sadtong Disyembre 10, 2018, lamang ini ginhimuslan sang stepfather.
Samtang, nagpasaka na sang kaso nga statutory rape ang biktima batuk sa stepfather nga gin-akusahan sini sang paghimulos sa iya sa ila balay samtang wala ang iya nga uloy.
