Nagtaas ang kabug-usan nga imbentaryo sang bugas kag mais sa pungsdo sang Nobyembre, base sa report sang Philippine Statistics Authority (PSA).
Naglab-ot sa 2.55 million metric tons ang rice stocks, 3.8% nga mas mataas kun ipaanggid sa tinalikdan nga tuig, bangud sa dako nga pagdabong sa suplay sang National Food Authority nga may 225% kag households nga may 27.5%.
Samtang, nagnubo sang 33.4% ang commercial stocks. Sa kabilugan nga imbentaryo, 45% ang yara sa households, 37% sa commercial traders kag 18% sa NFA. Nagtaas man ang corn stocks sa 790,160 MT, katumbas sang 27.6% year-on-year increase, nga ginpangunahan sang pagtaas sang household holdings (62.5%) kag commercial traders (22.6%).
Subong man, nagnubo ini sang 6.7% kun ipaanggid sang Oktubre. Ginreport man sang PSA nga nagdabong sa 3.93 million Metric Tons ang palay output sa third quarter, samtang nagnubo sang gamay ang corn production sa 2.41 million Metric Tons kun ipaanggid sa pareho nga panahon sang tinalikdan nga tuig.
