Nagpatigayon ang mga tinawo sang gobyerno sang “stop and salute flag raising ceremony” sa pila ka mga lugar sa pungsod.
Suno kay Eufemio O. Agbayani III, Historic Sites Development Officer II sang National Historical Commission of the Philippines (NHCP), kabahin ini sang mga aktibidad subong nga nagsugod na ang National Flag Days.
Ini nga selebrasyon nagadumdom sang kadalag-an sang Pilipinas sa ginatawag nga “Battle of Alapan.”
Didto, ang mga tropang Pilipino, sa pagpanguna ni Gen. Emilio Aguinaldo nagpanguna sa mga pwersa sang Espanya.
Para kay Agbayani, ini ang signal para sa inisyal nga mga programa antes ang Independence Day sa Hunyo 12.
“Kon ang paskwa may simbang gabi, ang Independence Day may National Flag Days,” pahayag ni Agbayani sa interview sang Bombo Radyo.
Samtang, magluwas sa kahiwatan subong nga adlaw, nagapadayon man ang iban pa nga aktibidades sa sulod kag guwa sang Metro Manila, tubtub mag-abot ang Independence Day.
Ginhingyo sini ang publiko nga magpartisipar sa makahulugan nga pag-usisa liwat sang aton maragtas kag giyahan ang mga pamatan-on nga mangin mabinantayon sa mga hitabo nga narekord sa aton pungsod sang nagligad nga mga dekada.
