Street level individual, arestado sa ginkasa nga drug buybust operation sa banwa sang sigma

Arestado ang isa ka lalaki nga ginakabig street level individual (SLI) sa ginkasa nga drug buy bust operation sa Barangay Amaga, Sigma Capiz.

Ginkilala ang nadakpan kay alyas “nonoy”, 33-anyos kag residente sang Barangay Ondoy, Ivisan Capiz.

Narekober sa arestado ang apat (4) tanan ka sachet sang ginapatihan shabu nga may kabug-aton nga  3 ka gramo kag may standard drug price nga mas o menus P20,400 kag P500 nga buybust money.

Kaso nga paglapas sa RA 9165 ukon Comprehensive Dangerous Drugs Act of 2002 ang paga-atubangon sang nasambit nga nadakpan.

Sa karun, yara na sa paghinakop sang Sigma MPS ang nadakpan para sa nagakaigo nga disposisyon.